Белгиската влада ќе интервенира во случаи кога проститутките премногу често ќе одбиваат секс. Новиот закон регулира и подобрува многу аспекти од работата на сексуалните работнички но и овој погоре - ако веќе се работнички, треба да се работи.   

Рускиот упад на североистокот од земјата и неочекувано успешното напредување дополнително ги растегна и истенчи украинските редови кои имаат минимални резерви на луѓе и оружје, алармира првиот човек на украинското воено разузнавање Кирило Буданов.

Викторинокс, производителот на швајцарското ноже со повеќе алатки одлучи да направи верзија на ножето од која ќе биде отстрането сечилото.

Поранешниот прв човек на кампањата за Брегзит, Доминик Камингс, порачал дека Западот згрешил (употребувајќи еден многу посочен збор) со тоа што решил да ја поддржи Украина.

Градот има одвоено 5 милиони долари годишно од парите на даночните обврзници за купување алкохол за бездомниците алкохоличари што живеат на неговите улици.

Споредувајќи ја израелската војна против Газа со атомскитe бомбардирања на Јапонија за време на Втората светска војна, американскиот сенатор Линдзи Греам рече дека Израел има право да направи сè што ќе процени дека треба да направи. А Вашинтон да помогне со материјалот, тоест со бомбите.

Доживотни казни за нешто што е изговорено? Притвор за „пред-криминал“ како во „Minority Report“ со Том Круз? Анонимни обвинувачи? Сето тоа го има во нацрт законот на Трудо за “онлајн штета“ кој првично беше само за заштита на децата. Перјаницата на глобалниот нелиберален либерализам сака да ја замени канадската лабавост со колективна параноја.

На состанок во Маралаго со директори од американската нафтена индустрија Трамп побарал донација од 1 милијарда долари за неговата изборна кампања, а во исто време предложил повлекување на повеќе еколошки закони и одлуки донесени од Бајден.

Во настојување да се замени омразената нафта од која се добиваат секакви производи, меѓу другото и изолациони материјали, во автомобилите во последно време се ставаат еколошки прифатливи изолации на кабли, најчесто на база на соја и кикирики. Англиските лисици си рекле, ние глупи ли сме гладни да остануваме на толку вкусни грицки наоколу?

Републикански конгресмени предложија нов закон според кој секој што е обвинет за нелегални активности за време на колеџ протестите за поддршка на Газа ќе биде на шест месеци испратен во Газа.

Рускиот претседател го објави составот на новата руска влада, а на списокот го немаше вечниот руски министер за одбрана Сергеј Шојгу.

Управувањето на Твитер од Илон Маск често се оценува како непредвидливо. Но, коосновачот на платформата, Џек Дорси, го разбира и го брани пристапот на својот наследник: потезите на Маск се неопходни за неговата цел да го направи Икс платформа за слободен говор. Таков модел не е можен ако постои огромна зависност од големите огласувачи, како што беше претходно.

Рафа е град на самиот југ на Газа (понатаму не може бидејќи е граница) во кој пред војната живееја околу 170.000 луѓе. А потоа таму се сјатија околу милион палестински бегалци, засолнувајќи се од израелските уништувања посеверно во појасот. На крај, Израел им кажа, тргајте се од Рафа, ќе маваме. И за да покаже дека не блефира, стварно почна да мава.

Доколку се врати во Белата куќа Доналд Трамп има намера тајно да испрати американски специјални сили во Мексико со единствена мисија да ги убиваат лидерите на тамошните нарко-картели, а желбата е е оваа операција да започне веднаш по неговото влегување во Белата куќа.

Единици на италијанската армија се распоредени низ земјата во одбрана на тамошната популација на домашни свињи од заканата од ширење на африканска свинска треска од дивите свињи.

Независниот претседателски кандидат останал без дел од мозокот кој му бил изеден од црв со кој се заразил на времето дур терал најразлични тури за заштита на животната средина во различни краишта низ светот.

Земјите на ЕУ се договорија како да ја помагаат Украина со оружје, муниција и на секаков друг начин, без да брцнат во свој џеб. Полесно е да се брцне во туѓ, во случајов, во рускиот. Конкретно, „сложните ЕУ калуѓери“ решија да се одзема профитот рускиот капитал кој е замрзнат кај нив и потоа тој профит, конвертиран во оружје, да му се праќа на Киев.

350 милиони евра вредниот автоматизиран одбранбен систем кој треба да ги штити сите настани на отворено на Олимпијадата во Париз главно работи како што треба освен што надворешните единици на клима уредите ги меша со дронови.

Не недоволно се збогатила, туку Британија воопшто не се збогатила од робовладетелството и колонијализмот, се тврди во една неодамна објавена книга околу она што цел свет го смета за пљачкосувачката епоха на британското кралство.

Целата залиха на вакцината од британскиот производител ќе се враќа назад во магацин и ова нема никаква врска со неодамнешното признание на Астразенека дека има сериозни нус-појави од вакцината, туку едноставно пазарот бил презаситен од понови вакцини кои покриваат и нови варијанти од вирусот.

Престижниот МИТ стана првиот елитен универзитет кој од идните вработени нема да бара да даваат изјави за тоа како ќе придонесат кон „диверзитетот и инклузивноста“ на институцијата. Сфатиле дека таквите изјави се само празни домашни задачи кои можеби звучат убаво но со ништо не придонесуваат универзитетот да стане она што сака - збир на таленти на кои им се пружаат можности да се развиваат. 

200 години откако Лудвиг Ван Бетовен падна на смртна постела и на неа пиеше вино со лажица, истражувачите веруваат дека го имаат последниот збор за да ја објаснат неговата абдоминална болка, надуеност, дијареа и губење на слухот: труење со олово. Велат дека такви концентрации на  олово немаат видено. Џабе пиел тон лекови кога се труел со евтино вино, убеден дека му годи. А пиел и до 75 лека.

Постои можност летово претседателот на САД, Џо Бајден, да се повлече од трката за изборите во ноември во корист на Мишел Обама, поранешната прва дама на САД, пишува германски Шпигел.

Калифорниските власти се пофалија дека деновиве завршиле со изградбата на мост за супербрза железница, што е подвиг само по себе веројатно во сите друи случаи освен во овој.