- Епскиот филм на Кристофер Нолан, „Опенхајмер“, ја започна трката за 96-тото доделување на Оскарите што ќе се случи на 10 март, добивајќи 13 номинации. Веднаш зад него следува „Кутри нешта“ на Јоргос Лантимос, кој заработи 11 номинации.
- Во контекст на феминизмот, интересно е што за прв пат во историјата на Оскарите три од десетте филма номинирани во категоријата најдобар филм, Анатомија на падот на Џастин Триет, Барби на Грета Гервиг и Минати животи на Селин Сонг, се режирани од жени.
- 81-годишниот Скорсезе по десетти пат е номиниран за Оскар за најдобра режија, за својот последен филм „Убијците на цветната месечина“. На тој начин стана најстариот номиниран режисер, надминувајќи го рекордот на Џон Хјустон, кој последен пат се бореше за Оскар на 79 години.
- Канадската писателка и добитничка на Нобеловата награда Алис Манро, почина на 92-годишна возраст во старечки дом во Онтарио. Таа страдаше од деменција повеќе од една деценија.
- Наречена „титан на кратката проза“ и „канадски Чехов“, Манро извршила револуција во архитектурата на кратките раскази. Објавила 14 збирки со кои во 2013 станала првиот добитник на Нобелова за книжевност од Канада.
- Последната книга, „Драг животе“, е излезена во 2012, а дел од расказите се автобиографски. Велела дека туѓите, лошо напишани книги, ја инспирирале, знаејќи дека може подобро. Покрај Нобеловата има добиено и Букер, како и канадската награда Гилер, за „Блуз од мешана крв“.
- Вчера, 12 мај, беа доделени британските телевизиски награди БАФТА. Најголемо изненадување беше признанието за Тимоти Спал за главна машка улога (за серијата „Шестата заповед“). Во својата категорија тој ги победи Брајан Кокс за „Сксешн“ и Доминик Вест за „Круната“.
- „Шестата заповед“ доби БАФТА и како мини-серија. Најдобра драмска серија е „Top Boy“ (Нетфликс), а меѓународна серија „Class Act“ (Нетфликс), во силна конкуренција на „The Bear“, "The Last of Us" и "Succession". Серијата за британското кралско семејство не доби ниту една од наградите за коишто беше номинирана - четири актерски и уште неколку во другите категории.
- БАФТА за најдобро реално шоу доби „Сквид гејм: предизвикот“, а за настан во живо минатогодишниот Евровизиски пренос од Ливерпул.